బెంగళూరు: కర్నాటకలో సీఎం మార్పు అంశంపై ఆ రాష్ట్ర బీజేపీ ఓ ఫన్నీ వీడియోను విడుదల చేసింది. ఆర్టిఫిషియల్ ఇంటెలిజెన్స్ ఆధారంగా రూపొందించిన ఈ వీడియోను కర్నాటక రాష్ట్ర బీజేపీ ఎక్స్ వేదికగా విడుదల చేయడం విశేషం. ఎన్నాళ్లుగానో సీఎం పదవిని ఆశిస్తున్న డీకే శివకుమార్ ను సెంటర్ పాయింట్ గా చేసుకుని బీజేపీ ఈ వీడియోను విడుదల చేయడం గమనార్హం. నవంబర్ లో సీఎం మార్పు ఉండవచ్చనే ప్రచారం నేపథ్యంలో బీజేపీ వ్యంగ్యంతో కూడిన ఈ ఫన్నీ వీడియోను విడుదల చేసింది. ఇంతకీ ఈ వీడియోలో ఏముందంటే..?
కాంగ్రెస్ అగ్రనేత రాహుల్ గాంధీ డీకే శివకుమార్ కు వాట్సాప్ ద్వారా హాయ్.. అంటూ మెసేజ్ ను పంపుతారు. అనంతరం ఓ స్క్రాచ్ కార్డును కూడా పంపిస్తారు. ఆ కార్డును చూసిన డీకే శివకుమార్ సంతోషపు వదనంతో దాన్ని స్క్రాచ్ చేస్తారు. ‘నో ఛైర్.. నవంబర్’ అనే మెసేజ్ కనిపిస్తుంది. దీంతో డీకే శివకుమార్ షాక్ కు గురవుతారు. ఇదంతా జరుగుతున్నపుడు సీఎం సిద్ధరామయ్య రాహుల్ గాంధీ పక్కనే ఉంటారు. ముగింపులో రాహుల్, సిద్ధరామయ్య నవ్వుకుంటుంటారు. ఆ తర్వాత హస్కీ డాన్స్ ను బీజేపీ ఆయా వీడియోకు అనుసంధానించింది. ఏఐ టెక్నాలజీతో తయారు చేసిన ఈ ఫన్నీ వీడియోను బీజేపీ సోషల్ మీడియాలో షేర్ చేస్తూ, శివకుమార్ కు ఇది కుర్చీలేని నవంబర్.. అంటూ వ్యంగ్యాస్త్రాలు విసరడం విశేషం.
కర్నాటకలో సీఎం మార్పు అంశంలో భిన్ప ప్రచారాలతో కూడిన వార్తా కథనాలు వెలువడిన నేపథ్యంలో బీజేపీ వీడుదల చేసిన వీడియోను దిగువన చూడవచ్చు..
