Monday, December 1, 2025

Top 5 This Week

Related Posts

తలసానితో పొంగులేటి ముచ్చట్లు!

తెలంగాణా అసెంబ్లీ సమావేశాల్లో శనివారం ఆసక్తికర సన్నివేశం చోటు చేసుకుంది. రాష్ట్ర రెవెన్యూ, సమాచార శాఖ మంత్రి పొంగులేటి శ్రీనివాసరెడ్డి బీఆర్ఎస్ పార్టీకి చెందిన సనత్ నగర్ ఎమ్మెల్యే, మాజీ మంత్రి తలసాని శ్రీనివాసయాదవ్ తో ముచ్చట్లు పెట్టిన దృశ్యం కనిపించింది. బీఆర్ఎస్ కు చెందిన జనగామ ఎమ్మెల్యే పల్లా రాజేశ్వర్ రెడ్డి ప్రసంగిస్తున్న సమయంలో వీరిద్దరూ పక్కపక్కనే కూర్చుని సంభాషించుకుంటూ నవ్వుకున్న సన్నివేశం ఆసక్తికర చర్చకు దారి తీసింది.

ఇటీవలి కాలంలో ఒకరిద్దరు మంత్రులు, ఎమ్మెల్యేలు బీఆర్ఎస్ కు చెందిన ముఖ్య నేతలతో కలివిడిగా కనిపిస్తున్న ఘటనలు రాజకీయ చర్చకు దారి తీస్తున్న సంగతి తెలిసిందే. బీఆర్ఎస్ చీఫ్ కేసీఆర్ అసెంబ్లీకి హాజరైన సందర్భంగా కొందరు మంత్రులు, ఇతర నాయకులు ఆయనను కలిసి మర్యాదపూర్వకంగా పలకరించడం, నమస్కరించడం చర్చనీయాంశమైన విషయం విదితమే. ఈ నేపథ్యంలోనే మంత్రి పొంగులేటి మాజీ మంత్రి తలసానితో అసెంబ్లీలోనే ముచ్చటించిన సమయంలో, ఈ ఇద్దరు నేతలు పరస్పరం నవ్వుకున్న సీన్ కూడా చర్చకు దారి తీసింది.

Popular Articles