పోలీస్ ఇన్ఫార్మర్ల నెపంతో ఇద్దరు స్థానిక సంస్థల ప్రజా ప్రతినిధులను మావోయిస్టు పార్టీ నక్సల్స్ హత్య చేశారు. పొరుగున గల ఛత్తీస్ గఢ్ లోని బీజాపూర్ జిల్లా జంగ్లా పోలీస్ స్టేషన్ పరిధిలో జరిగిన రెండు వేర్వేరు ఘటనల్లో నక్సల్స్ ఈ ఘాతుకానికి పాల్పడ్డారు.
బర్డెలా గ్రామానికి చెందిన ఉప సర్పంచ్ ధనే రామ్ కోర్సాను, గొంగ్లా గ్రామానికి చెందిన వార్డ్ పంచ్ గోపాల్ కుడియంను నక్సలైట్లు పదునైన ఆయుధాలతో హత్య చేశారు. పోలీస్ ఇన్ఫార్మర్లుగా వ్యవహరిస్తున్నారనే ఆరోపణలపై మావోయిస్టులు ఈ సంఘటనకు పాల్పడినట్లు బీజీపూర్ ఎస్పీ కమలోచన్ కశ్యప్ చెప్పారు.
