- ఎమ్మెల్సీ పదవికి, బీఆర్ఎస్ పార్టీ ప్రాథమిక సభ్యత్వానికి కల్వకుంట్ల కవిత రాజీనామా చేశారు. తనను పార్టీ నుంచి సస్పెండ్ చేసిన తర్వాత ఆమె ఈ నిర్ణయం తీసుకున్నారను. బుధవారం ఆమె మీడియాతో మాట్లాడుతూ అనేక అంశాలపై సంచలన వ్యాఖ్యలు చేశారు. కవిత ఏమన్నారో ఆమె మాటల్లోనే..
- నా మీద అక్రమ కేసులతో తీహార్ జైల్లో ఉండి వచ్చాను.
- ప్రజా సమస్యలపై మాట్లాడితే పార్టీ వ్యతిరేక కార్యకలాపాలా? పార్టీ పెద్దలు పునరాలోచించాలి.
- బీసీ రిజర్వేషన్లపై నేను కాంగ్రెస్ పై వత్తిడి తీసుకువచ్చాను
- సామాజిక తెలంగాణా అనడంలో తప్పేముంది?
- నా తండ్రి చిటికెన వేలు పట్టుకుని ఉద్యమాలు నేర్చుకున్నాను.
- కేసీఆర్ నుంచే సామాజికతెలంగాణా ఎజెండాను నేర్చుకున్నాను.
- హరీష్ రావు, సంతోష్ రావులు నాపై పనిగట్టుకుని దుష్ప్రచారం చేశారు.
- బంగారు తెలంగాణా నినాదం కేసీఆర్ ఇచ్చిందే.
- హరీష్ రావు, సంతోష్ ల ఇండ్లు బంగారమైతే బంగారు తెలంగాణా అయినట్టా?
- అన్నా.. నేను నీ చెల్లిని.. అంటూ రామన్నను బతిలాడాను.
- తెలంగాణా భవన్ లో కుట్రలు జరుగుతున్నాయని నేను అంటే రామన్న ఒక్క మాట మాట్లాడారా?
- కేసీఆర్ బిడ్డకే అన్యాయంజరిగితే మాట్లాడరా?
- నన్ను సస్పెండ్ చేయగానే ఐదుగురు మహిళలు మాట్లాడారు.నేనుకోరుకున్న అంతర్గత ప్రజాస్వామ్యం ఇదే.
- నన్నుసస్పెండ్ చేస్తే తెగిపోయే బంధం కాదిది.
- మా కుటుంబం విచ్ఛిన్నం కావాలన్నదే ఆ ఇద్దరి కోరిక.
- నానా.. దయచేసి మీ చుట్టూ ఏం జరుగుతోందో చూసుకోండి నానా..
- ముక్కుసూటిగా మాట్లాడడం వల్లే నన్ను బలి చేశారు.
- రేపు రామన్నకు, కేసీఆర్ కు నా పరిస్థితే ఎదురవుతుంది.
- బీఆర్ఎస్ ను హస్తగతం చేసుకోవడమే వారి లక్ష్యం.
- హరీష్ రావు, రేవంత్ లు ఒకే విమానంలో పయనించిన తర్వాతే మా కుటుంబాన్ని విచ్ఛిన్నం చేయాలనే కుట్ర ప్రారంభమైంది.
- హరీష్ రావు, రేవంత్ ల మధ్య రహస్య ఒప్పందం ఉంది.
- అన్నా.. రామన్నా, హరీష్ రావు, సంతన్నలను పక్కనపెడితేనే పార్టీ బతుకుంది.
- హరీష్ రావు టీఆర్ఎస్ లో మొదటి నుంచీ లేరు.
- హరీష్ రావు వైఎస్ రాజశేఖర్ రెడ్డిని కలవలేదా?
- ట్రబుల్ షూటర్ కాదు..ట్రబుల్ క్రియేటర్ హరీష్ రావే.
- చాలా మందికి చాలా రహస్య ఎజెండాలు ఉన్నాయి.
- ఎమ్మెల్యేలకు ప్రత్యేకంగా నిధులు ఇచ్చే అవసరం హరీష్ రావుకు ఏమొచ్చింది?
- రామన్నను ఓడించడానికి హరీష్ రావు ప్రత్యర్థులకు రూ. 65 లక్షలు ఇచ్చారు.
- నన్ను బయటకు పంపితే పార్టీ బాగుంటదా?
- ప్రాణం పోయినా కేసీఆర్ కు గాని, కేటీఆర్ కు గాని హాని జరగాలని కోరుకోను.
- ఏ అడపిల్లా ఇట్ల కోరుకోదు.
- ఎన్ని జన్మల పుణ్యం ఉంటే కేసీఆర్ వంటి తండ్రి దొరుకుతడు?
- కేసీఆర్ ఆరోగ్యాన్ని కాపాడండి. పార్టీని కాపాడండి. పార్టీ కార్యకర్తలను కాపాడాలని రామన్నను కోరుతున్నా.
- ఆరడుగుల బుల్లెట్టు ఇవాళ నన్ను గాయపర్చింది. రేపు రామన్ననూ గాయపర్చవచ్చు.
- రామన్నా.. జాగ్రత్తగా ఉండండి.
- జగ్గారెడ్డి నుంచి రఘునందన్ రావు, విజయశాంతి, ఈటెల రాజేందర్ వంటి నాయకులు హరీష్ రావు వల్లే పార్టీకి దూరమయ్యారు.
- దుబ్బాక ఓటమికి హరీష్ రావే కారణం.
- రామన్నా.. మీరు కూడా స్కిల్ నేర్చుకోండి అన్నా..
- రేవంత్, హరీష్ రావుల బంధం హుజురాబాద్ ఎన్నికల నుంచే ఉంది.
- స్పీకర్ ఫార్మేట్ లోనే ఎమ్మెల్సీ పదవికి, పార్టీ ప్రాథమిక సభ్యత్వానికి నేను రాజీనామా చేస్తున్నా.
నేను ఏ పార్టీలోనూ చేరడం లేదు.
కేసీఆర్ నిర్ణయాన్ని ప్రశ్నించలేను. - నా భవిష్యత్తును కాలం నిర్ణయిస్తుంది.
నాన్నా.. మీ చుట్టూ ఏం జరుగుతోందో చూసుకోండి!
Previous article![]( "జిల్లాలో సీఎం.., ఢిల్లీలో భట్టి, తుమ్మల")
Next article![]( "కాలగర్భంలోకి బీఆర్ఎస్: సీఎం రేవంత్")
