ఢిల్లీ: జూబ్లీ హిల్స్ అసెంబ్లీ నియోజకవర్గానికి జరిగిన ఉప ఎన్నికల్లో విజయం సాధించినందుకు తెలంగాణా కాంగ్రెస్ నేతలను ఏఐసీసీ అగ్రనేత రాహుల్ గాంధీ అభినందించారు. పార్టీ గెలుపుకోసం అహర్నిశలు శ్రమించిన నాయకులను ఆయన ప్రశంసించారు. ఉప ఎన్నికల్లో ఎమ్మెల్యేగా గెలించిన నవీన్ యాదవ్ కు రాహుల్ గాంధీ శుభాకాంక్షలు చెప్పారు.
తెలంగాణా సీఎం రేవంత్ రెడ్డి, డిప్యూటీ సీఎం మల్లు భట్టి విక్రమార్క, రాష్ట్ర వ్యవహారాల ఇంఛార్జి మీనాక్షి నటరాజన్, టీపీసీసీ అధ్యక్షుడు మహేష్ కుమార్ గౌడ్, జూబ్లీ హిల్స్ ఎన్నికల్లో విజేత నవీన్ యాదవ్, రోహణ్ రెడ్డి తదితర కాంగ్రెస్ నాయకులు శనివారం ఢిల్లీలో రాహుల్ గాంధీని కలిశారు. ఈ సందర్భంగా జూబ్లీ హిల్స్ ఎన్నికల్లో లభించిన విజయం గురించి రాష్ట్ర కాంగ్రెస్ నాయకులు రాహుల్ గాంధీకి వివరించగా, ఎన్నికల్లో శ్రమించిన నాయకులకు ఆయన అభినందనలు తెలిపారు.
