ఇప్పుడు ఆంధ్ర ప్రదేశ్ లో, ఆ మాటకొస్తే ప్రపంచంలో ఏదో ఓ మూలన ఉండే తెలుగు వాళ్ళలో ఓవర్గం నిద్రలేని రాత్రులు గడుపుతోంది. కారణం ఏమంటే.. ఆంధ్ర ప్రదేశ్ లో మొదటిసారిగా ప్రజాస్వామ్యం లేకుండా పోయింది. సామూహిక ఆత్మహత్యలు చేసుకోవాల్సిన పరిస్థితి రాకముందే ప్రజాస్వామ్య పరిరక్షణకు ఏదోఒక మార్పు జరగాలి.
జగన్ ను సీబీఐ కేసుల్లో తక్షణమే అరెస్టు చేసి జైల్లో పెట్టాలి. బీజేపీ నాయకత్వం చొరవ చూపాలి. తమిళనాడు తరహా స్కీం అమలు చేయొచ్చు. జగన్ పార్టీలో శాసన సభ్యులు జగన్ పై తిరుగుబాటు చేసి ఆయన్ను పదవినుండి తొలగించాలి. మొదట ఏ బొత్స సత్యనారాయణో, లేదంటే ఒక బీసీ నేతో, ముస్లిం నేతో ముఖ్యమంత్రి అయితే చాలు. అలా వీలుకాని పక్షంలో బీజేపీ కానీ, పవన్ కళ్యాణ్ కానీ, చివరికి కేఏ పాల్ అయినా జగన్ చీలికవర్గం ఎమ్మెల్యేలతో ప్రభుత్వం ఏర్పాటు చేయాలి. లేదంటే జగన్ ఏ విమాన ప్రమాదంలోనో, హెలికాఫ్టర్ ప్రమాదంలోనో చనిపోవాలి. శరీరం ముక్కలు కూడా దొరక్కూడదు.
ఈ ప్రజలకు బుద్ధి లేదు. ఓట్లేసి జగన్ని ఎలా గెలిపించారు? అనేక కేసుల్లో ముద్దాయిగా ఉండి, కోర్టులో చేతులు కట్టుకుని నిలబడే వ్యక్తికి కోర్టులు ఎక్కడ ఏర్పాటుచేయాలో అనే ఆలోచన చేసే అధికారం ఇవ్వడం ఏంటి? ఏంటి ఈ దౌర్భాగ్యం? ఇదేం ప్రజాస్వామ్యం?
బీజేపీ వాళ్ళు ఇంకెన్ని రోజులు ఆలోచిస్తారు తమిళనాడు ఫార్ములా అమలు చేయడానికి? కేఏ పాల్ ఎందుకు ఆలోచిస్తున్నాడు బొత్సతో చేతులు కలిపి, పార్టీని చీల్చి జగన్ని దింపేయకుండా? బెయిల్ రద్దు చేయించకుండా పవర్ స్టార్ పవన్ ఢిల్లీ నుండి వెనక్కు తిరిగి వస్తే ఎలా? విమానాన్నో, హెలికాప్టార్నో నడిపే పైలట్లు ఏమయ్యారు? ఇంకెన్నాళ్ళు? ప్రతిరోజూ ఎన్ని పేజీలు నింపాలి ఇలాంటి వార్తలతో? ఎన్ని గంటలు నడపాలి టీవీలో? ఇన్ని వార్తల అర్ధం మనముందున్న చారిత్రక అవసరం అని తెలియడం లేదా?
అసలు పనిలో పనిగా ఓటు హక్కు కూడా కొంత మందికే పరిమితం చేస్తే ఇకనుండైనా ఇలాంటి ప్రమాదం రాకుండా ప్రజాస్వామ్యాన్ని కాపాడుకోగలం కదా!? మోడీ – అమిత్ షా జోడి కలిసి CAA లాగ ఓటుహక్కు నియంత్రణ చట్టం ఒకటి అర్జంటుగా తేవచ్చుగా?
(Dedicated to RK, as inspired by him)
-దారా గోపి
