సీపీఐ రాష్ట్ర కౌన్సిల్ సభ్యుడు చందూ నాయక్ దారుణ మంగళవారం దారుణ హత్యకు గురయ్యారు. ఈ ఉదయం మలక్ పేట శాలివాహన నగర్ పార్కులో మార్నింగ్ వాక్ కు వెళ్లిన చందూ నాయక్ పై గుర్తు తెలియని దుండగులు తుపాకీతో కాల్పులు జరిపారు. ఓ కారులో వచ్చిన దుండగులు ఆరు రౌండ్ల కాల్పులు జరిపగా, చందూనాయక్ అక్కడిక్కడే మృతి చెందారు. తన భార్య,కుమార్తెతో కలిసి చందూనాయక్ మార్నింగ్ వాక్ చేస్తుండగా, పలువురు వాకర్స్ చూస్తుండగానే ఈ ఘటన జరిగినట్లు పోలీసులు తెలిపారు. చందూ నాయక్ స్వస్థలం నాగర్ కర్నూల్ జిల్లా బల్మూరు మండలం నర్సాయపల్లిగా పోలీసులు చెప్పారు.
చందూనాయక్ హత్యకు రియల్ ఎస్టేట్ తగాదాలే కారణంగా పోలీసులు అనుమానిస్తున్నారు. ఎల్ బీ నగర్ పరిధిలో 2022లో జరిగిన ఓ హత్య కేసులో చందూ నాయక్ నిందితునిగా ఉన్నట్లు పోలీసులు తెలిపారు. ఘటనా స్థంలో ఐదు తుపాకీ తూటాలను పోలీసుల స్వాధీనం చేసుకున్నారు. కాల్పులకు పాల్పడిన వారికోసం ప్రత్యేక టీంలతో గాలిస్తున్నట్లు సౌత్ ఈస్ట్ డీసీపీ చైతన్య కుమార్ ప్రకటించారు.
