బీజేపీకి చెందిన మహబూబ్ నగర్ ఎంపీ డీకే అరుణ ఇంట్లోకి ఓ ఆగంతకుడు చొరబడిన ఘటన తీవ్ర కలకలం రేపుతోంది. రాజధాని నగరంలోని జూబ్లీహిల్స్ రోడ్ నెం. 56లో గల ఎంపీ డీకే అరుణ నివాసంలోకి ఆగంతకుడు ఈ తెల్లవారుజామున 3.20 గంటల సమయంలో చొరబడి కలియదిరిగినట్లు సీసీ టీవీ ఫుటేజీ వెల్లడిస్తోంది. ఆగంతకుడు ఇంట్లోకి ప్రవేశించిన సమయంలో ఎంపీ అరుణ మహబూబ్ నగర్ లో ఉన్నారు. ఈ సంఘటన అనంతరం ఆమె ఓ ప్రకటన విడుదల చేశారు.
హైదరాబాద్ జూబ్లీహిల్స్ లోని తన నివాసంలో ఆగంతకుడు చొరబడిన ఘటనపై మహబూబ్ నగర్ లో గల ఎంపీ డీకే అరుణ అనుమానాలను వ్యక్తం చేశారు. గతరాత్రి హైదరాబాద్ లోని తన ఇంట్లో ఆగంత‌కుడి చొర‌బాటు ఘటన భ‌యాందోళ‌న కలిగిస్తోందన్నారు. తన భ‌ద్ర‌త‌పై అనుమానాలు క‌లుగుతున్నాయన్నారు. తాను సీఎం ఉండే ఏరియాలోనే ఉంటానని, అయినా దుండ‌గులు చొర‌బ‌డుతున్నారన్నారు.
- గతరాత్రి ఓ దుండ‌గుడు తన ఇంట్లోకి వెన‌క కిచన్ లోకి ప్ర‌వేశించి గంట‌న్న‌ర‌పాటు క‌లియ‌దిరిగి వెళ్లిపోయాడని,
- ఇది ముమ్మాటికీ అనుమానాల‌కు తావిస్తోందని, అస‌లీ దుండ‌గులు తన ఇంట్లోకి ఎందుకు చొర‌బ‌డ్డాడో అన్న‌విష‌యం ఆలోచిస్తేనే భ‌యం వేస్తోందన్నారు. ఇంకా ఈ ఘటనపై డీకే అరుణ తన ప్రకటనలో ఏమన్నారో ఆమె మాటల్లోనే..
అస‌లేం జ‌రిగిందంటే…?
2 రోజులుగా నేను మహబూబ్ నగర్ లోనే ఉన్నాను.
గత అర్థ రాత్రి 3 గంటలకు కిచెన్ కిటికీ తీసి ఇంట్లోకి వచ్చాడు.
ఇల్లంతా ఒక గంటన్నర పాటు ఇంట్లో కలియతిరిగాడు.
- ఇవాళ మార్నింగ్ 6 గంటలకు నాకు తెలిసింది.
- కిచెన్ లో కెమెరా కట్ చేశాడు, కింద గ్లాస్ తీసేసి ఇంట్లోకి వచ్చాడు
- ముఖానికి మాస్క్‌, గ్లౌస్, బ్యాగ్ ,షూ ధ‌రించాడు.
- ప‌స్ట్ ఫ్లోర్ లోకి వెనుక భాగం నుంచి కిచన్ కిటికిలోంచి లోనికి ఎంటర్ అయ్యాడు.
- న‌క్కి న‌క్కి తిరుగుతూ రెక్కీ చేసిన తీరు అనుమానాల‌కు తావిస్తోంది.
- కిచెన్ లో కెమెరా కట్ చేశాడు.
- డైనింగ్ హాల్ లో కెమెరా తిప్పేసాడు.
- డ్రాలు తెరిశాడు, అన్ని చిందర వందరగా ప‌డేశాడు.
- ఫ‌స్ట్‌, సెకెండ్ ఫ్లోర్ల‌లోని అన్నిరూములు తిరిగాడు.
- సెకండ్ ఫ్లోర్ లో కి వెళ్ళాడు.. అంతా కలియ తిరిగాడు.
- నక్కుకుంటూ.. నక్కు కుంటు వెళ్ళిపోయాడు.
- తెల్ల‌వారు జామున 4:30 నిమిషాల‌కు ఇంట్లోంచి వెళ్లిపోయాడు.
- గంటన్నర పాటు వాడు నా ఇంట్లో ఏం రెక్కీ చేశాడో అర్థం కావ‌డం లేదు.
- ఈ ఘటన ఊహించుకుంటేనే భ‌యం వేస్తోంది.
- వాడు వచ్చి న‌ప్పుడు ఇంట్లోవాళ్లు ఎవ‌రైనా చూసి ఉంటే.. చంపేసేవాడేమో.. ఏం జ‌రిగేదో ఊహించుకుంటేనే భ‌యం వేస్తోంది.
నా ఇంట్లోంచి చిన్న‌క‌ర్చిప్‌కూడా పోలేదు
- నా ఇంట్లో దొంగ‌తనానికే వచ్చి ఉంటే ఏదోటి తీసుకెళ్లాలి క‌దా?
- ఈ ఘటన త‌ర్వాత నా ఇంట్లో నుంచి ఎలాంటి వస్తువులు పోలేదు
- ఇంట్లో ఎలాంటి విలువైన వస్తువులు ఏమి పోలేదు.
- తెర్చి ఉన్న అన్ని రూమ్‌ల‌లోకి తిరిగాడు.
- దొంగతనం చేయడానికి వస్తే ఏదోటి చేసి పోవాలి.
- మా మనమరాలి రూమ్ లోకి వెళ్ళాడు.
- ఆ సమయంలో ఆమెకు మెలకువ వచ్చి ఉంటే ఏం చేసే వాడో..
- నా ఇంట్లో పని చేసే ముగ్గురు కూడా అమ్మాయిలే.
- వాళ్ల‌కు మెల‌కు వ‌చ్చినా ఏం జ‌రిగేదోన‌ని భ‌యం వేస్తోంది.
అదే లేన్ లో ఉంటాను… అయినా…
- ముఖ్యమంత్రి ఉండే లేన్ లోనే నేను ఉంటాను.
- అయినా ఇలా దుండ‌గులు చొర‌బ‌డ‌టం భ‌యాందోళ‌న‌కు గురి చేస్తోంది.
- ఈ విష‌యంపై ముఖ్య మంత్రి గారు సీరియ‌స్ గా దృష్టి సారించాలి.
- జాతీయ రాజ‌కీయాల్లోనూ కీలక నేత‌గా ఉన్న నా ఇంట్లోనే ఈ ప‌రిస్థితి ఉంటే … భద్రత ఎక్క‌డ?
భద్రత పెంచాల్సిందే..
- నా ఇంట్లోకి దుండ‌గుడు చొరబడిన విష‌యమై ఇప్ప‌టికే పోలీసుల‌కు కంప్టైంట్ ఫైల్ చేశాను.
- నాకు సెక్యూరిటీపై సీఎం స్పందించాలి.
- ఇంటెలిజెన్స్ ఐజీ గారితో కూడా మాట్లాడాను.
- జ‌రిగిన విష‌యం చెప్పి హైసెక్యూరిటీ భద్రత క‌ల్పించాల‌ని కోరాను.
- గత కొన్ని రోజుల క్రిత‌మే నా భ‌ర్త‌కు గ‌న్ మెన్స్ విష‌యం కూడా లేఖ రాశాను.
- సీఎం గారు కూడా ఈ ఘటనపై సీరియ‌స్ గా స్పందించాలి.
- నా ఇంట్లి వ‌ద్ద హై సెక్యూరిటి భద్రత పెంచాలి.
పోలీసులే తేల్చాలి
- అస‌లు నా ఇంట్లోకి చొర‌వ‌బ‌డింది ఎవ‌రు..? ఎందుకొచ్చార‌న్న విష‌యంపై చాలా అనుమానాలు క‌లుగుతున్నాయి.
- నాకు ఏదైనా ప్రాణహాని త‌ల పెట్టాల‌ని చూస్తున్నారా..?
- ఈవిష‌యంపై పోలీసులు స‌మ‌గ్ర విచార‌ణ చేప‌ట్టాల్సి ఉంది.
ఇదిలా ఉండగా ఈ ఘటనపై జూబ్లీహిల్స్ పోలీసులు కేసు నమోదు చేసి దర్యాప్తు చేస్తున్నారు. మరోవైపు డీకే అరుణకు భద్రత అంశంపై హైదరాబాద్ ఉన్నతస్థాయి పోలీసు అధికారులతో కేంద్ర హోంశాఖ సహాయ మంత్రి బండి సంజయ్ మాట్లాడారు.
